Дархлаажуулалтад хамрагдсан төрийн алба хаагчид өнөөдөр вакцины хоёр дахь тунд хамрагдана. Тодруулбал, АстраЗенека 150 мянган тун вакциныг Монгол Улс хүлээн авснаар нэн тэргүүнд эрүүл мэндийн салбар, онцгой байдал, цагдаа, мэргэжлийн хяналтын байгууллагын буюу эрсдэлт бүлгийн алба хаагчид вакцины эхний тунг тариулсан билээ.

Тэгвэл өнөөдөр буюу дөрөвдүгээр сарын 20-нд Улаанбаатар хотод дархлаажуулалтын 35 цэгт 64 багийн 491 эмч, ажилтан ажиллаж, хариу арга хэмжээнд ажиллаж байгаа 16180 албан хаагчийг АстраЗенека вакцины хоёр дахь тунд хамруулахаар төлөвлөөд байгаа талаар УОК-ын Шуурхай штабаас мэдээллээ.