Европын холбооны Ерөнхийлөгч Урсула Вон дер Лайен АНУ, Германы компаниудын хамтран үйлдвэрлэж буй Пфайзер вакцины 50 сая тун вакциныг ирэх сард нийлүүлэх боломжтой болсон талаараа мэдээлжээ.

Үүнтэй холбоотойгоор Европын холбооноос тус вакциныг үйлдвэрлэгч компаниудтай гурав дахь гэрээг байгуулж, ирэх 2022, 2023 онуудад 1.8 тэрбум тун вакцин нийлүүлэх гэрээ байгуулахаар хэлэлцээр хийж байгаа гэнэ.

Харин Их Британийн Оксфордын их сургууль болон Шведийн “АстраЗенека” компанийн хамтран үйлдвэрлэж буй АстраЗенека вакцин нь хүний биед маш ховор тохиолддог цусны бүлэгнэл үүсгэж байгаатай холбоотой асуудлаас болж Европын холбооны хэд хэдэн орон тус вакциныг дархлаажуулалтаасаа хассан.

Мөн АНУ-ын “Жонсон ба Жонсон” үйлдвэрийн вакцин ч АстраЗенека вакцинтай ижил цусны бүлэгнэл үүсгэж байж болзошгүй хэмээн тус вакциныг дархлаажуулалтаа ашиглахыг түр хугацаанд зогсоохыг зөвлөөд байгаа юм.

Эх сурвалж: BioPharma Reporter