• Өнөөдөр 2021-04-18

“Халдвар авснаа мэдэхгүй нас барах эрсдэл өндөр байна”

2021-04-08,   53

ЭМЯ-наас цаг үеийн нөхцөл байдалтай холбоотойгоор ээлжит мэдээллээ хийж байна.

Өнгөрсөн 24 цагийн хугацаанд шинээр нэг нас баралт бүртгэгдэж, Монгол Улсад бүртгэгдсэн нийт нас баралтын тоо 18 болсон. Мөн одоогоор хэвтэн эмчлүүлж байгаа 14 хүний биеийн байдал маш хүнд байгаа юм.

Үүнтэй холбоотойгоор ЭМЯ-ны Хэвлэл мэдээлэл, олон нийттэй харилцах зөвлөх Б.Ууганбаяр “Халдварын тохиолдол нэмэгдэхтэй холбоотойгоор халдвар авсан хүмүүсийн биеийн байдал маш хүнд түвшин рүү шилжиж байна” гэв. Харин ЭМЯ-ны газрын дарга Б.Буянтогтох “Иргэд халдвар авснаа мэдэхгүй нас барах эрсдэл өндөр байна. Эмзэг бүлгийн иргэд халдвар авснаа ч мэдэхгүй байсаар нас барах эрсдэл өндөртэй байгаа” гэлээ.

Сүүлийн 24 цагт 11116 хүний ПСР шинжилгээний сорьцод шинжилгээ хийснээс шинээр 554 хүнээс коронавирусийн халдвар илэрч, Монгол Улсад коронавирусийн халдвар авсан нийт хүний тоо 12780 болсон юм.

 


“Халдвар авснаа мэдэхгүй нас барах эрсдэл өндөр байна”
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, XI хороолол, 14193-Их тойруу 43, "N tower" V давхар 501-2 тоот
7713-1414