Гадаад харилцааны сайд Б.Батцэцэг өнөө өглөө өөрийн цахим хаягаараа дамжуулан ОХУ-ын “Гамалея” төвд үйлдвэрлэж буй Спутник-V вакцины нэг сая тунг худалдан авахаар болсон талаар мэдээлсэн.

Харин ЭМЯ-ны ээлжит хэвлэлтийн хурлын үеэр ЭМЯ-ны Хэвлэл мэдээлэл, олон нийттэй харилцах зөвлөх Б.Ууганбаяр

“Гадаад харилцааны сайд Б.Батцэцэг ОХУ-ын Спутник вакцины нэг сая тунг оруулж ирэх гэж буйгаа цахим хаягаараа дамжуулан хэлсэн. Яриа хэлцлийн шатанд явж байсан асуудалд ГХЯ сайн ажилласан. Эхний ээлжид Спутник-V вакцины тунг ирэх сарын эхэнд оруулж ирэхээр төлөвлөсөн. Мөн Ковакс хөтөлбөрийн хүрээнд ирэх вакцинуудыг ирэх дөрөвдүгээр сард багтааж оруулж ирэхээр ажиллаж байна” хэмээсэн юм.