ОХУ-аас худалдан авахаар хэлэлцээний түвшинд яригдаж буй “Гамалея” төвийн Спутник-V вакцины нэг сая тунг Монгол Улс авахаар болсон талаар Гадаад харилцааны сайд Б.Батцэцэг цахим хуудсаараа дамжуулан мэдээллээ.

Тэрбээр “ОХУ маш их захиалгатай байгаа бөгөөд Монгол Улсын Ерөнхий сайд, Шадар сайдын албан захидал, Монгол Улсын Засгийн газрын уйгагүй хэлэлцээний үр дүн ийнхүү гарч байна. Асуудлыг нааштай шийдвэрлэж буй ОХУ-д талархал илэрхийлье” гэжээ.