Өвөрхангай аймгийн амралт, сувиллын газар амарч байгаад Завхан аймгийн Тосонцэнгэл суманд байрлах гэртээ очсон иргэнээс түргэвчилсэн оношлуураар коронавирусийн шинжилгээ авахад хариу нь эерэг гарсан. Улмаар тухайн иргэний ойрын хавьтал болсон 20 орчим хүнийг тусгаарлаж, Завхан аймгийн Тосонцэнгэл суманд хөл хорио тогтоож, сургууль, цэцэрлэгийн үйл ажиллагааг зогсоож, сумаас орох, гарах хөдөлгөөнийг хязгаарлаад буй.

Энэ талаар ЭМЯ-ны ээлжит хэвлэлийн хурлын төгсгөлд ЭМЯ-ны Хэвлэл мэдээлэл, олон нийттэй харилцах зөвлөх Б.Ууганбаяр

“Яг үнэндээ тухайн иргэний шинжилгээний хариу нь баталгаажиж гараагүй байна. Баталгаажсан тохиолдолд л ЭМЯ-наас мэдээлэх болно” гэлээ.