Дархан-Уул аймагт коронавирусийн халдвар тархалт эрс нэмэгдэж байгаатай холбоотойгоор тус аймгийн Онцгой комиссоос хэрэгжүүлэх арга хэмжээний талаар мэдээлэл өглөө.

Мэдээллийн үеэр Дархан-Уул аймгийн ОБГ-ын дарга Ц.Идэш “Аймаг доторх сум дундын болон хот хоорондын хөдөлгөөнийг хязгаарласан. Аймгийн Онцгой комиссын хүндэтгэн үзэх шалтгаантай иргэдэд зөвхөн гарах хөдөлгөөнийг зөвшөөрнө. Тухайн хүндэтгэн үзэх шалтгаанд эрүүл мэндийн, буяны ажил, албан ажлын томилолт, шатахуун тээвэр зэрэг шалтгаанууд багтана” гэв.

Мөн Дархан-Уул аймгийн Онцгой комисс ногоон бүсээс тус аймагт нэвтрэх иргэдийг асуумжаар нэвтрүүлэх аж.