ЭМЯ-наас цаг үеийн нөхцөл байдалтай холбоотойгоор ээлжит мэдээллээ хийлээ.

ЭМЯ-ны ээлжит хэвлэлийн хурлын үеэр ЭМЯ-ны Хэвлэлийн төлөөлөгч Б.Ууганбаяр ямар эрүүл мэндийн оноштой иргэд вакцинжуулалтад хамрагдахгүй талаар мэдээлэл өглөө. Үүнд:

-Эм, антибиотикын харшилтай хүн,

-Хорт хавдартай хүн,

-Уналт, цочмог таталттай хүн,

-Хүнд хэвтрийн өвчтэй хүн,

-Дархлааны төрөлхийн хомсдолтой хүн,

-Мэдрэлийн үрэвслийн хам шинжтэй хүн,

-Халдвар эмчилгээ, эм хэрэглэж буй хүн,

-Гормоны эмчилгээ хийлгэж байгаа хүн,

-Зүрх, судасны өвчтэй хүн,

-Жирэмсэн болон ойрын хугацаанд жирэмсэн болохоор төлөвлөж буй хүн,

-Харин хөхүүл биетэй эмэгтэйчүүд эмчийн зөвлөгөө, оноштойгоор вакцинжуулалтад хамрагдах эсэхээ шийдэх боломжтой аж.

Мөн өнгөрсөн 24 цагийн хугацаанд ХӨСҮТ, ЗӨСҮТ, НЭМҮТ, НЭМГ, УНТЭ, Өмнөговь аймгийн явуулын лаборатори, Сэлэнгэ, Дорноговь, Дархан, Орхон аймгийн лаборатори, нийслэлийн дүүргүүд дэх салбар лабораториудад нийт 19341 хүнд PCR шинжилгээ хийснээс 103 хүнээс коронавирусийн халдвар илрүүлжээ. Улмаар Монгол Улсад нийт 3664 хүн коронавириусийн халдвар аваад байгаа юм.