ЭМЯ-наас цаг үеийн нөхцөл байдалтай холбоотойгоор ээлжит мэдээллээ хийлээ.

Өнгөрсөн 24 цагийн хугацаанд ХӨСҮТ, ЗӨСҮТ, НЭМҮТ, НЭМГ, УНТЭ, Өмнөговь аймгийн явуулын лаборатори, Сэлэнгэ, Дорноговь, Дархан, Орхон аймгийн лаборатори, нийслэлийн дүүргүүд дэх салбар лабораториудад нийт 19341 хүнд PCR шинжилгээ хийснээс 103 хүнээс коронавирусийн халдвар илрүүлжээ. Улмаар Монгол Улсад нийт 3664 хүн коронавириусийн халдвар аваад байгаа юм.

Мөн уг хэвлэлийн хурлын үеэр ХӨСҮТ-ийн Тандалт, судалгааны албаны дарга Ж.Байгалмаа “Сүүлийн үед албан байгууллагуудаас коронавирусийн халдвар илэрч байна. Ийм албан байгууллагууд дотоод журамдаа өөрчлөлт оруулж, ажилтнуудаа гэрээс нь ажиллах боломжийг хангаж өгөх хэрэгтэй” хэмээсэн юм.