Баянгол дүүрэгт шинээр таван объектыг өнөөдөр хамгаалалтад авч, тусгаарлаад байгаа талаар тус дүүргийн Шуурхай штабаас мэдээллээ. Үүнд

-Гуравдугаар хорооны 35/а байр,

-Дөрөвдүгээр хорооны СОТ-ын III байр,

-Зургаадугаар хорооны 22 дугаар байр

-11 дүгээр хорооны 43/а байр,

-25 дугаар хорооны 103 байр зэрэг объектууд багтаж байгаа юм. Улмаар Баянгол дүүргийн хэмжээнд өнөөдрийн байдлаар нийт долоон объект хамгаалалтад авсан аж.

Өмнө нь тус дүүргийн гуравдугаар сарын 4-ний өдөр зургаадугаар хорооны 42-р байрны II орц, гуравдугаар сарын 7-ны өдөр 25-р хороонд байрлах Голден парк-301 байрыг тус тус хамгаалалтад аваад байсан юм.