Дэлхийн хамгийн баян хүмүүсийн нэг гэддэг “Microsoft” компанийг үүсгэн байгуулагч Билл Гейтс “Ковид-19” цар тахлыг зогсоох нь бидний бодож байгаагаас ч илүү амархан гэж үзэж байгаа талаараа мэдээлжээ. Тэрбээр уур амьсгалын өөрчлөлт, шинэчлэлт хийснээр хүн төрөлхтөн шинэ дэвшилтэд хүрээд зогсохгүй цар тахлын нөхцөл байдлыг маш хялбар шийдэх боломжтой хэмээсэн юм. Энэ боломж нь дэлхий даяар нүүрстөрөгчийн давхар ислийг навчиндаа шингээдэг мод тарих гэнэ.

         Өдгөө 65 насыг зооглож буй тэрбумтан эр удахгүй дэлхийн дулаарлын эсрэг зогсохыг уриалсан ном гаргаж байгаа юм. Уг номондоо хүн төрөлхтний үүрэг, оролцоо нь дэлхийн дулаарлын эсрэг бус дэлхийд илүү их хор хөнөөл учруулж байгаа талаар бичсэн бөгөөд мөн коронавирусийн цаг үеийг даван туулах аргаа ч дэлгэрэнгүй тайлбарласан аж. Тэрбээр уг мэдэгдлийнхээ үеэр нүүрстөрөгчийн давхар ислийг шингээдэг мод тарих аянд дэлхийн олон улсын Засгийн газрыг өөртэй нь хамтарч ажиллахыг уриалжээ.