Энэтхэг Улс эх орондоо үйлдвэрлэж буй “Covishield” вакцинаа сайн санааны үндсэн дээр хөрш орнууддаа үнэгүй экспортолж, хандивлах гэнэ. “Covishield” вакциныг үнэгүй экспортлох хөрш орнуудын жагсаалтад Монгол Улс болон Оман, Мьянмар, Филиппин, Бахрейн, Маврикид зэрэг орон багтсан юм. Энэтхэгийн Гадаад харилцаа, Эрүүл мэнд, Гэр бүл хамгаалал, Химийн бодис, бордооны яам зэрэг холбогдох яамдын сайд нар “Covishield” вакциныг үйлдвэрлэж буй “Bharat Biotech” компанийн төлөөлөгчидтэй уулзаж, вакцин хандивлах экспортын төлөвлөгөөний хурал зохион байгуулжээ.

       Тус хурлын үеэр Энэтхэг Улсын Химийн бодис, бордооны яамны сайд Мансүх Мандавияа “Дээрх хөрш орнуудаас гадна Бутан, Афганистан, Непал, Бангладеш, Сейлелийн арлуудыг нэмж, вакцин хандивлах хэрэгтэй” гэсэн санал гаргасан байна. Хурлын үеэр хөрш орнууддаа 2.5 сая тунг хандивлаж, эх орондоо таван сая тунг нөөцлөх шийдвэр гаргажээ. Харин өнгөрсөн арванхоёрдугаар сард Энэтхэг Улс эх орондоо үйлдвэрлэсэн “Covishield” вакцины 46 тунг ДЭМБ руу илгээсэн ч ДЭМБ-аас тавьсан шаардлага нөхцөлд тэнцэлгүй унасан билээ.