Сүүлийн жилүүдэд бага насны хүүхдүүд гэмт хэрэг үйлдэх нь ихэссэн талаар судлаачид сануулж буй. Халаасны хулгайгаас эхлээд хүн амины гэмт хэрэгтэй балчир хүүхдүүд холбогддог нь нэг талаар хэний ч санаанд оромгүй зүйл. Гаднын орнуудад энэ төрлийн гэмт хэрэг сүүлийн жилүүдэд улам бүр ихсэх хандлагатай байгаа бөгөөд зарим хэргийг хөрвүүлэн хүргэж байна.

Зургаан настай хүү өөрийг нь үнсэхээс татгалзсан ангийнхаа охины аминд хүрсэн хэрэг

       АНУ-ын ... хотод зургаан настай хүү ангийнхаа охины аминд хүрсэн аймшигт хэрэг гарч байжээ. Тодруулбал, хүү ангийнхаа нэгэн охиноос өөрийг нь үнсэхийг хүссэн аж. Хүсэлтийг нь тоогоогүй охиныг шийтгэхээр зургаан настай хүү дараагийн өдөр нь ангидаа хутга болон гар буу авч очжээ. Хүү охины мөр рүү буудаж, сум нь артерийн судсыг нь тасалснаар охин амь насаа алдсан байна.

Гар утсыг нь хурааж авсан аавыгаа хөнөөсөн 15 настай охины хэрэг

       2011 онд АНУ-ын Вашингтон хотод гар утсыг нь хурааж авсан гэх шалтгаанаар аавынхаа аминд хүрсэн 15 настай охины аймшигт хэрэг дуулиан тарьж байлаа. Охин гар утсыг нь хураахад дургүйцэн дэргэд нь байсан ангийн нумаар аавынхаа цээж рүү “харвасан” байдаг. Аав нь тусламж эрэн хөршийнх рүүгээ мөлхсөөр амиа алдсан тухай хэвлэлүүд онцолж байв. Цагдаа офицерууд охиныг гэрийнх нь ойролцоох ойгоос олсон юм.

Ээжийгээ алхаар цохиж, аминд нь хүрсэн 14 настай хүүгийн хэрэг

       Улаан өндөгний баяраар Их Британи Улсад 14 настай хүү ээжийнхээ аминд хүрсэн онц ноцтой гэмт хэрэг үйлджээ. Тодруулбал, 14 настай Даниел Бэртлам ээжийгээ унтаж байхад нь алхаар толгойн тус газарт нь хэд хэдэн удаа цохин хөнөөж, цогцсыг нь гэрийнхээ хамт галдан шатаасан байна. Холбогдох байгууллагынхан түүнээс байцаалт авахад тэрбээр “Гэрт орсон хулгайч ийм аймшигтай хэрэг хийчихлээ” хэмээн мэдэгджээ. Дараа нь цагдаагийн байгууллагынхны шалгалтаар Даниел уг хэргийг үйлдсэн нь тогтоогдож, санаатайгаар хүний аминд хүрсэн гэх зүйл ангиар насанд хүрээгүйчүүдийн хорих ангиас насанд хүрэгчдийн хорих газарт шилжин хоригдох 16 жилийн хорих ял сонссон байна.

15 настай хүү өргөмөл хоёр дүүгийнхээ аминд хүрсэн хэрэг

       АНУ-ын Юта хотод 15 настай нэгэн хүү өөрийн дөрөв болон 10 настай өргөмөл дүүгээ тус бүр хутгалж, аминд нь хүрсэн хэрэг одоогоос таван жилийн өмнө гарчээ. Тухайлбал, аав нь цэргийн ажилтан бөгөөд ажиллагаанд явж, ээж нь хувийн ажлаар гадагш гарсан хойгуур уг аймшигт хэрэгт болж өнгөрсөн аж. Ээж нь гэртээ ирж, хоёр хүү нь амиа алдсан нөгөө хүү нь сураггүй алга болсон талаар цагдаагийн байгууллагад мэдээлэл өгсөн бөгөөд цагдаагийн ажилтнууд хүүг гэрээс нь таван километрийн зайтай зугтаж явахад нь олсон байна. Дараа нь хүү хэргээ хүлээсэн бөгөөд түүний талаар дэлгэрэнгүй мэдээлэл болон сэтгэл зүйн байдлыг нь дэлгэхээс зайлсхийсэн байна. Хүү өнгөрсөн жил насанд хүрэгчдийн хорих газар руу шилжүүлэгдсэн бөгөөд дахин 14 жил хоригдох ялтай байгаа юм.

Гэрийн ажлын маргаанаас болж, 12 настай хүү ээжийгээ хөнөөсөн хэрэг

       2009 онд АНУ-ын Аризона мужид 12 настай нэгэн хүү гэрээ цэвэрлэх тухай маргаанаас үүдэн төрсөн эхийгээ калибр буугаар цээжин тус газарт нь найман удаа буудан хөнөөсөн хэрэг гарсан байна. Тодруулбал, хүүд ээжийнх  нь шинэ найз залуу бие хамгаалах зорилгоор буу ашиглах арга зааж өгсөн аж. Хэдий Жеймс Конло хүүг насанд хүрээгүй хэмээн өмгөөлөх хүн олон байсан ч тус хотын зөвлөлөөс мужийн дээд шүүхэд санаатайгаар хүний аминд хүрсэн хэмээн үзэж, хорих ялаар шийтгэсэн юм.

13 настай цуврал алуурчин охин

       Мэри Белл хэмээх уг охин 1968 онд өөрийн насны хоёр хүүг нүцгэн гараараа хөнөөж, нэгнийх нь биеийг хайчаар зүсэж, дотор эрхтнийг нь гаргасан онц ноцтой гэмт хэрэг үйлдэж, дуулиан тарьж байв. Белл охин үүгээр ч тогтохгүй цөөнгүй иргэнийг маш хэрцгийгээр хөнөөсөн нь тогтоогдсон бөгөөд нэгэн хэргийг үйлдэж байхдаа өөрийн найз Нора гэх охинд үйлдлээ харуулсан нь түүнийг цагдаа нарт баригдах шалтгаан болсон аж. Хожим цагдаагийн ажилтнууд түүний талаар судлахад тэрээр бага наснаасаа хүчирхийлэлд өртөж, сэтгэл зүйн эмгэгтэй болсон байсан нь тогтоогдсон байдаг.

Ээжийгээ унтаж байхад нь буудан хөнөөсөн 14 настай хүүгийн хэрэг

2012 онд АНУ-ын Детройт хотод 14 настай хүү ээжийгээ унтаж байхад нь буудаж хөнөөсөн хэрэг гарсан байна. Тодруулбал, ээж нь хүүг дахин найзуудтайгаа уулзахгүй байхыг шаардахад түүнд нь уурссан хүү энэ аймшигт хэргийг үйлдсэн нь тогтоогдсон байдаг.

Эх сурвалж: https://www.cheatsheet.com/culture/youll-be-shocked-by-these-horrific-crimes-committed-by-children.html/