Баянзүрх дүүргийн 17 дугаар хороонд гурван гэр бүлийн 10 гаруй хүн коронавирусийн халдвар авсантай холбогдуулан тус хорооны иргэдэд голомтын илрүүлгийн шинжилгээ хийхээр хэсэгчлэн хөл хорио тогтоогоод байгаа билээ.

      Биднийг очиход хөдөлгөөн хязгаарласан бүс рүү хүн нэвтрүүлэхгүй, мөн гаргахгүй байснаас гадна холбогдох албаныхан хатуу хяналт тавин, үүргээ гүйцэтгэж байв. Хөл хорио тогтоосон бүсийн иргэд шаардлагагүй тохиолдолд гэрээсээ гарахгүй, зөвхөн хүнс, эм авах, шинжилгээ өгөх үүрэг хүлээж байгаа юм. Хэдийгээр хөл хорио тогтоохыг албаныхан урьдчилан сануулсаар байсан ч тус бүсээс гарах, орох хүсэлтэй иргэд цөөнгүй байв.