Пулитцерийн шагналт, Нобелийн шагналт Америкийн зохиолч Эрнест Хемингуэйн нэгэн алдарт хайрын захидлыг уншигч та бүхэнд хүргэж байна. Зохиолч Хемингуэй 1955 оны наймдугаар сарын 28-нд Герман гаралтай Америк жүжигчин Марлен Дитрихт хаяглан эл хайрын захидлыг бичжээ. Уг захидлын гар бичмэл нь өнөөг хүртэл Марлен Дитрихтийн үр хүүхдүүдэд хадгалагдан ирсэн ч хүүхдүүд нь захидлыг худалдаалах сонирхолгүй байдаг гэнэ. “Краут”, “Папа” зэрэг этгээд бөгөөд хайрт хосуудын өөрсдийнх нь л ойлгох хэллэгийг ашиглан бичсэн уг захидлыг судлаач, шинжээчид олон жилийн турш өөр өөрсдийнхөөрөө тайлж, тайлбарласаар иржээ.

Хамгаас хайрт Краутдаа,

Буруу гэж үзсэн зүйлээ дэлгэрэнгүй тайлбарлаж, уртаас урт захидал бичсэнд баярлалаа. Гэхдээ театрын талаар юу ч мэдэхгүй над шиг хүнд “Ла Виён Хөүз” жүжгийн талаарх ярих нь тийм ч зөв сонголт биш байж болох юм. Бид чинь ядуу хүмүүс шүү дээ.

Хэрэв би жүжгийг нь найруулсан бол театрын тайзан дээрээс өөрөө явагч тэсрэх бөмбөг тэслэгчээр гудамжаар алхлах үйлчлүүлэгчид рүү буудсантай адил шинэлэг зүйл болох биз.  Бид итгэл найдвар, алдар суугийн талбарт тоглож байж мэдэх юм. Гэвч яагаад над шиг ахмад уран бүтээлч ням гарагийн өглөө бүр сүмийн шуудангийн хайрцагт ирдэг цөөхөн захидлын төлөө, цөөхөн хүмүүсийн төлөө ийм олон зүйлийг хийж, бүтээх ёстой юм бэ. Зөвхөн хөгжилдөх л гэж үү.

Марлен хонгор минь, би ердөө л өгүүллэг бичдэг нэгэн. Гэвч тэднийгээ бусад энгийн хүмүүс шиг хэвлэл мэдээллээр түгээх, бүтээлээ золиослох сэтгэл надад үгүй. Хүний нүдээр уншиж, бичиж сурахад надад хамгийн их хэцүү байсан. Би тоть, сармагчин, баавгай, жүжигчдэд зориулж бичмээр байгаа ч хэрхэхээ сайн мэдэхгүй л байна.

Би чамайг хэзээ ч ямар нэгэн ашиг сонирхол, ашгийн нүдээр харахгүй байж чадахаар их хайртай. Харин үргэлж хамт байхын тулд бидний хэн нь ч өөр хэнд ч зориулсан зүйлтэй байж болохгүй.

Чамайг Лас Вегаст сайн сууж байгаа гэдэгт найдаж байна.

Энэ хэсгээс дөгөл мөр татаж бичлээ. Хэрэв чи үүнийг инээдтэй гэж бодож байвал захидлын үлдсэн хэсгийг уншилгүй шатаачихсан ч болно шүү.

Дахиад л шинэ догол мөр. Би чамд маш их хайртай. Аз жаргал хүсье. Надад ч бас жаахан юм хүсээрэй. Сүүлийн хэдэн өдөрт муу нуруу минь арай дээрдэв бололтой. Хөдөлгөөн орж байна. Энд кино зураг авалт номын 592 дугаар хуудас дээр л явж байна. Энд зүгээр л загас бариад суугаад байж болохгүй нь хэцүү юм. Зохиолыг нь биччихсэн ч киноных нь зураг авалтад оролцох саад цаана нь байж. Гэхдээ зураглаачийг байгалиас заяадаггүй юм байна. Хүний үгээр л явдаг “амьтан” өөрийн гэсэн өнцөггүй аж. 0450-аас дээш I930 дээр зураг авна. Гэхдээ өөрийнхөөрөө биш. Кино зураг авалтын хугацаа 15 хоног үргэлжлэх гэнэ.

Чамайг үргэлж хайрласаар байх,

Папа.