Их Британийн Романтист яруу найрагч Жон Китсийн дурлалт бүсгүй Фенни Бравндаа хаяглан бичсэн нэгэн захидлыг уншигч та бүхэнд хөрвүүлэн хүргэж байна. XVIII зууны үеийн нэрт яруу найрагчийн олон шүлэгт бууж үлдсэнээр Фенни Бравн нь тийм ч үзэсгэлэнтэй бүсгүй байгаагүй, бусдын л адил жирийн нэгэн байсан аж. Харин Фенни Бравнд хэний ч атаархам цэнхэр нүд, хүйтэн хөндий хэрнээ цаанаа л нэг халуун, дотно санагдах инээмсэглэлээрээ нэрт яруу найрагчийн зүрхийг булаасан тухай шүлгүүд өнөөг хүртэл хадгалагдан үлджээ.

Хамгаас хайрт Фенни минь,

Сэтгэлд чамдаа захидлаа бичих яг энэ мөчид яруу найргийн хувьд зарим шүлгийг шударгаар хуулж байх ёстойг ойлгож, сэтгэлээ бэлдэж байна. Хэрэв би урьд өмнөх шигээ нэгэн жигд урссаар л байх юм бол цаашид үгийн урлагаа үргэлжлүүлж чадахгүйд хүрэх нь. Харин түүний оронд чамд зориулж хоёр мөр шүлэг биччихээд цаг үргэлж дотроо жаргаж суух сан. Уг гаралдаа би юу ч бодож чаддаггүй, сул дорой амьтан бололтой. Ямар ч ирээдүй үгүй амьдралынхаа нэгэн өглөөг угтаж, захидлаар чамдаа сургаал айлдаж байгаад минь уучлаарай.

      Хайр сэтгэл гээч намайг амиа хичээсэн нэгэн болгосон. Би чамгүйгээр оршиж чадахгүй нь. Бүх зүйлийг маш амархан чаддаг ч чамайг л мартаж чадахгүй нь, харахыг хүсэж байна. Өөрийн амь амьдрал, бүхий л зүйлээ чамд орхиод энд ирсэн мэт санагдаж байна. Гэвч би ганцаараа биш. Чи миний бүхэл биеэр урсаж, шингэсэн. Би чамтай дахин уулзах боломжгүй болох вий гэхээс эмээж, чиний царайг дахиж харахгүй дээ, хөндийрөхөөсөө айх хэрэгтэй. Миний өхөөрдөм Фенни, зүрх сэтгэл чинь хэзээ ч өөрчлөгдөхгүй гэсэн хэвээрээ биз ээ.

       Миний мэдэрч буй хайр сэтгэлд хязгаар гэж үгүй. Чиний тэмдэглэлүүд надад ирсэн. Харин тэмдэглэлүүдийг чинь уншсаныхаа дараа л би хэзээ ч чамаас илүү аз жаргалтай байж чадахгүйгээ ойлгосон.

      Бусад эрчүүд шашныхаа төлөө амиа зольж байхыг хараад би маш их гайхдаг байлаа. Харин одоо надад ямар ч гайхшрал алга. Би ч мөн тэдний адил шашныхаа төлөө амиа өгөх зоригтой болсон. Хайр сэтгэл бол миний шашин. Чи бол миний шашин. Би чиний төлөө амиа өгөхөөс татгалзахгүй. Миний хайр сэтгэл, шашны хамгийн гол зарчим бол чи. Гэвч чи намайг өөрөөсөө холдуулахыг хүсдэг. Харин түүний чинь эсрэг би чамайг ч мөн харахгүй тэвчиж чаддаг болсон. Тиймээс би ч бас чамайг харахгүй байж чаддаг болсон. Тэгээд л яагаад хайрлаж, ингэж их сэтгэл гаргах болсон шалтгаанаа эрэх болсон. Гэвч би олж чадаагүй. Зүрх сэтгэл минь бодож байхад толгойгоороо бодох хэт их өвдөлт дагуулдаг юм байна. Хайраас болж би амиа хичээсэн нэгэн болсон. Чи бол миний амьсгал. Би зөвхөн чамаар л амьсгалахыг хүсэж байна.

Үүрд ​​чинийх,

 Жон Китс