Улаанбаатар хотын Захирагчийн ажлын алба, Хот тохижилтын газар ОНӨААТҮГ-аас Энэбишийн өргөн чөлөө дагуу Өргөө кинотеатрын уулзвараас Ахуйн үйлчилгээний төвийн уулзвар хүртэлх 8429 метр квадрат талбай буюу нэг километр үргэлжлэх замын гол булеварийг тохижуулах ажлыг өнгөрсөн дөрөвдүгээр сарын 11-ээс зургадугаар сарын 11-ний өдөр хүртэлх хоёр сарын хугацаанд хийж гүйцэтгэжээ. Зүлэгжүүлэлт хийж, 1279 ширхэг ногоон шон суулгаж, 1918.5 метр тросс татаж, 2558 ширхэг гэрэл ойлгогч нааж, 184 саванд 920 ширхэг гоёлын мод тарьж дууссан байна.

Хотын төвийн хүн амын нягтрал, хөл хөдөлгөөн ихтэй уг газарт жил бүр шугам сүлжээний ажил хийж, нөхөн сэргээлт хийлгүй орхигдуулж, ямар нэг арга хэмжээ авалгүй сул шороон хөрстэй байсаар ирсэн. Энэ жил тус албанаас талбайг бүрэн зүлэгжүүлж доороо шугам сүлжээтэй хэсэгт зөөж тээвэрлэх боломжтой торхтой гоёлын торхтой мод тарьжээ.

Улаанбаатар хотын Захирагчийн ажлын албанаас 2019 онд Аюушийн өргөн чөлөө буюу Өргөө кинотеатрын уулзвараас баруун тийш Саппорогийн уулзвараас хүртэлх замын голын булеварьт 1350 ширхэг бортоготой гацуур мод тарьж, иргэдэд зориулсан 5925 метр квадрат явган зам, 4700 метр троссон хашлага, сандал, хогийн сав хийж, 10 гаруй нэр төрлийн гоёлын мод тарьж, зүлэгжүүлэн арчилгааг тус компани хариуцан өдөр бүр хийж байна.