Баян-Өлгий аймгийн нутгаар салхины хурд ширүүсэж, аюултай үзэгдэл ажиглагдаж эхэлжээ. Тодруулбал, Өлгий хотод салхины хурд түр зуур 20 м/с, Ногооннуур суманд түр зуур 26 м/с-д хүрч байгааг цаг уурын байгууллагаас мэдээллээ. Шуурганы улмаас аймгийн төвийн зарим албан байгууллага, айл өрхийн дээврийн төмөр салхинд хийссэн гэх мэдээлэл байна.

Тус аймгийн цаг уурын хүрээлэнгээс өчигдөр урьдчилан мэдээлснээр ихэнх нутгаар салхины хурд 18-20 м/с, зарим үед 22-24 м/с хүрнэ хэмээсэн юм.