Завхан аймгийн Цэцэн-Уул сумын Жаргалант баг, сумын төвөөс баруун урд зүгт 41 километрт, Ө-48°32”24.0” У-95°30”36.0” орших Жаргалант-Уул гэх газарт өчигдөр буюу долдугаар сарын 8-ны 20:00 цагт 3.8 магнитудын хүчтэй газар хөдөлжээ.

       Энэ талаарх мэдээллийг ООГХ-ээс 20:10 цаг орчимд ОБЕГ руу цахим шуудангаар хүргүүлсэн байна.

       Завхан аймгийн Онцгой байдлын газраар дамжуулан Цэцэн-Уул сумын Засаг даргын Тамгын газрын даргаас тодруулахад “Иргэдэд чичирхийлэл мэдрэгдээгүй бөгөөд хохирол учраагүй” гэж мэдээлсэн байна.

       Жаргалант-Уул гэх газар нь Сантмаргац сумаас зүүн хойд зүгт 10 км зайтай тул тус сумын иргэдэд бага мэдрэгдсэн, хохирол учраагүй тухай мэдээллийг тус сумын Засаг даргын Тамгын газрын дарга аймгийн Онцгой байдлын газарт ирүүлсэн юм.