Ойрын өдрүүдийн цаг агаарын төлөв байдлын талаар УЦУОШГ-ын Урьдчилан мэдээлэх хэлтсийн дарга Л.Оюунжаргалтай холбогдож тодрууллаа.

Энэ долоо хоног буюу  долдугаар сарын 4 хүртэл хур бороо ихэнх нутгаар үргэлжлэн орно. Өнөөдөр болон маргааш өдөр төв, зүүн бүсийн нутгаар бороо орно. Баруун бүсийн нутгаар харьцангуй хур багатай байна. Өнөө шөнөдөө баруун аймгуудын нутгийн зүүн хэсгээр, говийн аймгуудын зүүн хойд хэсгээр хур орно. Маргааш өдөртөө говийн аймгуудын зарим газраар, төв болон зүүн аймгуудын нутгаар бороо орж, зарим газраас дуу цахилгаантай аадар бороо орох төлөвтэй байгаа. Салхины хурд дундаж байна. Төвийн бүс нутгаар дулаарч, ихэнх аймгуудаар бороо орно.

Ирэх сарын цаг агаарын төлөв байдлаас авч үзвэл, долдугаар сарын 2-нд говийн болон нутгийн баруун, зүүн хэсгээр хур бороо орно. Долдугаар сарын 3-нд баруун болон зүүн аймгуудын нутгаар бусад нутгийг бодвол харьцангуй хуурай байгаа Говь-Алтай, Завхан зэрэг аймгуудын нутгаар хур орох төлөвтэй байна. Долдугаар сарын 4-нд баруун аймгуудын ихэнх нутгаар, төв болон зүүн аймгуудын зарим газраар орно. Долдугаар сарын 5-нд төв болон говийн аймгуудын зарим нутгаар аадар бороо орно. Говийн аймгуудад хүчтэй салхи шуурч, хана босож, мөндөр буусан нь аадар борооны үеэр ажиглагдах өндөр магадлалтай.