Говийн бүс нутгаар ирэх ням гараг буюу зургадугаар сарын 27-нд 35-36 хэм, зүүн аймгуудын нутгаар 32-34 хэм, төвийн аймгуудын нутгаар 31-33 хэм хүрч халах төлөвтэй байна.

Улаанбаатар хот орчимд өдөртөө 32-34 хэм хүрч, халахын зэрэгцээ нарны хэт ягаан туяаны индекс сэрэмжлэх түвшинд хүрэх тул ирэх ням гарагт үдийн халуунд аль болох гадагш гарахгүй байх, хүч их шаардсан ажил хийхгүй байх, жин үдийн халуунд сэрүүн, сүүдэртэй газарт байж, шингэн зүйл уухыг албаныхан зөвлөлөө.

Өндөр настан, даралт болон зүрх судасны өвчлөлтэй хүмүүс, жирэмсэн эхчүүдэд анхаарал илүү хандуулж, наршихаас сэргийлээрэй.