Баян-Өлгий аймгийн Өлгий сумын 10 дугаар багийн Хуст-Арал гэх газарт автомашинд хүн дарагдсан тухай дуудлага өчигдөр буюу тавдугаар сарын 9-ний өдрийн 13:12 цагт Онцгой байдлын газарт иржээ.

Дуудлагын дагуу тус аймгийн Онцгой байдлын газрын Гал түймэр унтраах, аврах 31 дүгээр ангийн алба хаагчид 10 км замыг туулан “Хотгор зам” ХХК-ийн эзэмшлийн талбайд очсон байна.

Алба хаагчдын 13:20 цагт очиход “Хотгор зам” ХХК-ийн ажилтан С-ийн жолоодож явсан “Грейдер” загварын зам засварын механизм ухрахдаа 24 настай, эрэгтэй А-г мөргөсөн аж.

Талийгаачийн цогцсыг Онцгой байдлын газрын алба хаагчид гаргаж, Баян-Өлгий аймгийн Цагдаагийн газрын Замын цагдаагийн тасагт шилжүүлж өгчээ.