Говь-Алтай аймгийн Чандмань сумын Өлзий багийн Гозгор цахир гэх газар өнгөрсөн ням гараг буюу дөрөвдүгээр сарын 25-ны өдрийн 21:50 цагт хоёр хүн сураггүй болсон тухай дуудлага Онцгой байдлын хэлтэст иржээ.

Дуудлагын дагуу шалгаж, Эрдэнэ сумаас Чандмань сум руу тухайн өдрийн 11:00 цаг орчимд явган явсан 40 настай эрэгтэй Г болон 21 настай эрэгтэй Б нар сураггүй болсныг эрэн хайх ажиллагааг сумын ЗДТГ-ын ажилтнууд зохион байгуулсан байна.

Эрэн хайх ажиллагаагаар өчигдөр буюу дөрөвдүгээр сарын 26-ны 10:29 цагт Говь-Алтай аймгийн Чандмань сумын хоёрдугаар багийн Хүнхэрийн ам гэх газраас сураггүй болсон хоёр хүний цогцсыг олж, тус сумын Цагдаагийн хэсэгт шилжүүлсэн талаар ОБЕГ-аас мэдээлэв.