Тээврийн цагдаагийн албаны Жижүүрийн шуурхай удирдлагын хэлтэст 2021 оны дөрөвдүгээр сарын 19-23 өдрүүдэд нийт 351 дуудлага мэдээлэл хүлээн авснаас зам тээврийн ослын шинжтэй 195 дуудлага мэдээлэл бүртгэгджээ. Бүртгэгдсэн зам тээврийн ослын улмаас гурван хүн гэмтэж, ноцтой зам тээврийн ослын улмаас нийслэл Улаанбаатар хотод нэг хүүхдийн амь хохирсон.

Хүн гэмтсэн ослыг хэлбэрээр нь авч үзвэл:

• Унадаг дугуйтай автомашинд мөргүүлэх хэлбэрээр хоёр,
• Мотоциклтой онхолдох хэлбэрээр нэг тус тус бүртгэгдсэн байна.

Хүний амь хохирсон осол, хэргээс:

    2021 оны дөрөвдүгээр сарын 22-ны өдрийн 12:00 цагийн орчим нийслэлийн Хан-Уул дүүргийн VI хороо Нүхтийн задгайд “Mersedes” Benz маркын автомашины жолооч нь гурван настай хүүхдийг мөргөж, хүүхэд амиа алджээ.

Дөрөвдүгээр сарын 19-23 хугацаанд ТЦА-ны алба хаагчдаас гудамж замд зохион байгуулсан хяналт, шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон Нийслэлд 144, Орон нутагт 38 зөрчлийг тус тус илрүүлж, учирч болох эрсдэлээс урьдчилан сэргийлэн ажилласан байна.

Жолооч та бүхэн согтууруулах ундааны зүйл хэрэглэсэн үедээ тээврийн хэрэгсэл жолоодохгүй байх,  тээврийн хэрэгслийн хөдөлгөөнийг эхлэхдээ зам, орчны байдлыг тогтмол тойрч шалгаж байх, эцэг эх, асран хамгаалагчид бага насны хүүхдийг замын хөдөлгөөнд харгалзах хүнгүй оролцуулахгүй байхыг цагдаагийн байгууллагаас анхааруулж байна.