Монгол Улсын хилийн хэсэгт энэ оны нэгдүгээр улирлын байдлаар байгалийн дагалдах баялаг ашиглах, агнуурын амьтан агнах, ашигт малтмал хайх, олборлох, хилийн зурвас, бүсэд зөвшөөрөлгүй нэвтэрч үйл ажиллагаа явуулах хэлбэрээр 47 удаагийн 656 хүн хил орчмын дэглэмийн зөрчил гаргасныг илрүүлэн хууль зүйн дагуу шийдвэрлэжээ.

Мөн бэлчээрээр улсын хил давсан найман удаагийн 97 тооны мал, шуурганд уруудаж, бэлчээрээр улсын хилд тулсан 79 удаагийн 14804 тооны малыг хилчид илрүүлж, ард иргэдэд учирч болох 9.2 тэрбум төгрөгийн хохирлоос урьдчилан сэргийлсэн талаар ХХЕГ-ын Олон нийттэй харилцах албанаас мэдээлэв.

Өнгөрсөн хугацаанд Монгол Улсын хилд нийт 14 хилийн боомт ажиллаж, 73 орны 189.935 зорчигч, 579159 тээврийн хэрэгслийг шалган нэвтрүүлсэн байна.