Нийслэлийн Чингэлтэй дүүргийн I хороо Мөнгөн завьяагийн автобусны буудал дээр шатаж байна гэсэн дуудлага 19:25 цагт НОБГ-т очжээ. Дуудлагын дагуу Гал түймэр унтраах, аврах 10 дугаар ангийн ээлжийн бүрэлдэхүүн “Тэнүүн-Огоо” ХХК-ийн Шар хад-Хороолол чиглэлийн автобус шатаж байсныг бүрэн унтраажээ.

Энэ талаар Тээврийн цагдаагийн албаны Урьдчилан сэргийлэх хэлтсээс тодруулахад

"Гал гарах болсон шалтгаан, нөхцөлийг нь судлахаар шалгалтын баг гарсан. Одоогоор тодорхой мэдээлэл өгөх боломжгүй байна" хэмээсэн юм.

Гал түймрийн улмаас бэртсэн, түлэгдсэн хүн байхгүй гэж Нийслэлийн Онцгой байдлын газраас мэдээллээ.