“Юнител” ХХК-ийн үүрэн сүлжээ гэмтэж, сүлжээ нь доголдсон талаар тус компаниас мэдэгдэл гаргалаа.

      Мэдэгдэлд “Компанийн инженер, техникийн ажилтнууд гэмтлийг засварлахаар шуурхай ажиллаж байгаа бөгөөд гэмтэл засагдмагц эргэн мэдээлэл ирэх болно. Хэрэглэгч та бүхэнд хүндрэл учруулж буйд хүлцэл өчье” хэмээсэн байна. 

Дээрх асуудлыг Харилцаа холбооны зохицуулах хорооноос тодруулахад "Манайд одоогоор гомдол мэдээлэл ирээгүй байна. Юнител компаниас бусад үүрэн холбооны сүлжээ хэвийн байгаа" гэх тайлбарыг өглөө.