"Өргөө" амаржих газарт төрсөн эхийг өнгөрсөн нэгдүгээр сарын 19-ний орой ХӨСҮТ рүү шилжүүлэхдээ хүнлэг бус хандсан, өвчтөн тээвэрлэх журмыг зөрчсөн, ажилдаа хариуцлагагүй хандсан гэх үндэслэлээр Д.Нямхүүг ХӨСҮТ-ийн даргын албан тушаалаас чөлөөлсөн. Харин өчигдөр буюу хоёрдугаар сарын 18-ны өдөр Д.Нямхүү “Албан тушаалаасаа үндэслэлгүйгээр халагдсан” хэмээн үзэж, Сүхбаатар, Чингэлтэй дүүргийн Иргэний хэргийн анхан шатны шүүхэд хандаж, ажилд эргүүлэн тогтоолгох нэхэмжлэл гаргажээ.

Түүнийг цар тахлын онц нөхцөл байдалд ажлын хариуцлага алдаж, аж ахуй нэгж, иргэдийн зүгээс ХӨСҮТ-д хандивласан мөнгөнөөс хувьдаа завшсан, ажилтнууддаа сэтгэл зүйн болон бие махбодын дарамт учруулсан, цалингийн урамшууллаас өөртөө авсан байх магадлалтай гэх үндэслэлээр хууль, хяналтын байгууллага шалгаж буй гэх мэдээлэл бий.