ТАНИЛЦ: Амралтын өдрөөр үзэх таван кино

2025-07-26, 125

Завгүй хотын танд амралтын өдрүүд жижигхэн баяр шиг санагддаг уу. Улирал, цаг агаар ямар байхаас үл хамааран гэртээ тухтай сууж, дуртай кино үзэх шиг жаргал үгүй. Заримдаа хөгжилтэй инээдтэй, сэтгэл хөдөлгөм ухааралтай кино үзэх нь таны амралтын өдрийг улам өнгөлөг болгож, сэтгэл санааг цэгцэлдэг. Тиймээс бид төрөл бүрийн мэдрэмжийг өгөх, утга агуулгаараа танд урам зориг бэлэглэх таван киног санал болгож байна.

THE INTERN (2015)

Жанр: Инээдэм, Драм

Гол дүрүүд: Robert De Niro, Anne Hathaway

70 настай Бен гэдэг эр ажил амьдралын шинэ утга учрыг хайж, цахим худалдааны залуу компанид дадлагажихаар ордог. Ажилчдынхаа итгэлийг хүлээж, захирлынхаа хамгийн дотно зөвлөх болж хувирах энэ хөгжилтэй түүх нь үе хоорондын найрсаг ойлголцол, амьдралд хэзээ ч оройтохгүй шинэ эхлэлийн тухай өгүүлнэ. Амралтын өдөр танд инээд, ухаарал, эерэг энерги өгөх дулаахан бүтээл.

LITTLE WOMEN (2019)

Жанр: Драм, Түүхэн

Гол дүрүүд: Saoirse Ronan, Emma Watson, Florence Pugh

Америкийн иргэний дайны дараахан дөрвөн охины өөр өөр мөрөөдөл, хүсэл тэмүүлэл, хайр дурлалын түүхийг өгүүлсэн сонгодог зохиолыг найруулагч Greta Gerwig шинэ өнгөөр амилуулжээ. Өөрийн мөрөөдлөө дагах, гэр бүлийн үнэ цэнийг ойлгох, бүсгүй хүний амьдралын сонголтуудыг үзэсгэлэнтэй дүрсэлсэн энэ кино таны сэтгэлийг хөдөлгөнө.

KNIVES OUT (2019)

Жанр: Детектив, Инээдэм

Гол дүрүүд: Daniel Craig, Chris Evans

Нэрт зохиолчийн гэнэтийн үхлийн дараа түүний гэр бүлийнхэн болон ойр тойрныхны дунд хачирхалтай нууц илрэх үйл явдал өрнөдөг. Мөрдөгч Бенуа Блан энэ хэргийн учгийг тайлах гэж оролдох үед үзэгчид хөгжилтэй, огт төсөөлөөгүй эргэлтүүдийн хойноос хөтлөгдөнө. Хошин өнгө аяс, хурц ухаалаг өрнөл нь таныг уйдаахгүй.

The Secret Life of Walter Mitty | MACS 395 Ebertfest Blog – Spring 2015 - University of Illinois at Urbana-Champaign

THE SECRET LIFE OF WALTER MITTY (2013)

Жанр: Адал явдал, Драм

Гол дүрүүд: Ben Stiller, Kristen Wiig

Энгийн нэгэн гэрэл зургийн архивч залуу мөрөөдлийн ертөнцдөө амьдардаг ч нэгэн өдөр бодит адал явдалд хөл тавьж, дэлхийн өнцөг булан бүрээр аялна. Өөрийгөө нээж, айдсаа даван туулах тухай энэ киноноос та мөрөөдөлдөө хүрэх урам зоригийг харах боломжтой.

COCO (2017)

Жанр: Анимейшн, Гэр бүлийн, Адал явдал

Дуу оруулсан: Anthony Gonzalez, Gael García Bernal

Гэр бүлийнхээ хуучин нууц, хөгжимчин болох мөрөөдлөө хөөсөн жаахан хүү Мигелийн түүхийг дагаарай. Үхэгсдийн ертөнцөд аялж, гэр бүлийнхээ жинхэнэ үнэ цэнийг ойлгох энэ Pixar-ийн бүтээл нь үзэгч бүрийн сэтгэлд дулаан гэрэл асаадаг. Хүүхдээс эхлээд том хүн хүртэл үзэх боломжтой .

Сайн кино бол амралтын өдрийг тань чимдэг хамгийн сайхан хөтөлбөр

ТАНИЛЦ: Амралтын өдрөөр үзэх таван кино

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.