“Luxurious” оргилуун дарсны компанид 20 сая төгрөгийн торгууль ногдууллаа

А. Азсайхан:
Монголчуудын амьдрал- Мэдээ мэдээлэл

2021-01-28, 760

“Luxurious” оргилуун дарсыг үйлдвэрлэдэг “Цэс Хайрхан” ХХК-ийг бараа, ажил, үйлчилгээг хууран мэхлэх, төөрөгдүүлэх замаар худалдсан гэж үзэн 20 сая төгрөгийн торгууль оноож, зөрчлийг арилгуулах албан даалгаврыг ШӨХТГ-аас гаргасан байна. Тодруулбал, өнгөрсөн шинэ жилийн баяраар эх орондоо үйлдвэрлэсэн гэх “Luxurious” дарсны шошгыг хуулахад ОХУ-аас импортолдог “Советское” оргилуун дарсны шошго гарч ирж буй бичлэг цахим сүлжээгээр тархсан. Улмаар ШӨХТГ-аас дээрх хоёр оргилуун дарсыг харьцуулсан шинжилгээ хийлгэхээр лаборатори руу явуулсан бөгөөд хариу нь гарсан аж. Тиймээс тус компанид 20 сая төгрөгийн торгууль ногдуулж байгаа гэлээ.

Оргилуун дарстай холбоотой уг үйл явдал өрнөж байх үеэр ШӨХТГ-ын Хэвлэл мэдээллийн ажилтан Ц.Үүрцайхаас тодруулахад “Цэс хайрхан” компанийн захирал “Бид ямар нэгэн байдлаар хэрэглэгчдийг хуураагүй. Цар тахлын улмаас шилний хүрэлцээ, нөөц муу, хурдан хугацаанд эргэлтэд оруулах боломжгүй байсан учир хуучин шил ашигласан” гэх тайлбар өгсөн хэмээн мэдээлж байсан юм.

“Luxurious” оргилуун дарсны компанид 20 сая төгрөгийн торгууль ногдууллаа

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0

Шинэ мэдээ

Нийтлэлчид