Өвөлжилт,  хаваржилтын нөхцөл байдал хүндэрч, Монгол Улсын Засгийн газраас улсын хэмжээнд өндөржүүлсэн бэлэн байдлын зэрэгт шилжүүлсэнтэй холбогдуулан хэрэгжүүлж байгаа арга хэмжээ, малын сэг зэмийг устгах ажлын талаар Хүнс,хөдөө аж ахуй, хөнгөн үйлдвэр, Мал эмнэлгийн Ерөнхий газрын ахлах мэрэгжилтэн Т.Тунгалаг мэдээлэл өглөө. Тэрбээр “Зүй бусаар хорогдсон малын  сэг, зэмийг устгалын  арга хэрэгжүүлэхэд анхаарах асуудал, зөвлөмжийг хүргэж байна. Өвчнөөр хорогдсон малын сэм зэмийг олон улсын заавар зөвлөмж, тусгай дүрэм, журмын хүрээнд арга хэмжээ авдаг. Байгалийн гамшигт үзэгдэл, Өвчин эмгэг, биологийн насжилт, хүний хүчин зүйл буюу уул уурхай, химийн бодис, малын арчилгаа, байр орчны нөхцөлөөс болж зүй бусаар хорогдсон малын сэг зэм бий болдог. Монголд мал хорогдож байгаа шалтгаанууд нь хоол тэжээлийн дутагдал, байрны нөхцөл байдал болон цаг агаарын байдал буюу хүйтний улмаас хорогдож байна. Мал, амьтны эрүүл мэндийн тухай хуулийн 7.3.3 дугаар зүйл дээр Гамшгийн улмаас зүй бусаар хорогдсон малын сэг зэмийг цуглууж устгах, байр орчныг халдваргүйжүүлэх арга хэмжээг сумын онцгой газар хуулиараа үүрэх ёстой байдаг. Сэг зэм байсан хөрс, хэвтэр, бууц, хашаа, хороог урьдчилан сэргийлэх халдваргүйжүүлэх хийх нь мал эмнэлгийн байгууллага заавар зөвлөмжөөр хангахыг тус хуулиар заасан байдаг.

     Мал, амьтны эрүүл мэндийн тухай хууль батлагдсанаар  мал, эмнэлгийн Ерөнхий газрын даргын тушаалаар малын сэг зэмийг устгах үйл ажиллагааны зааврыг батлан гаргасан. Тус зааврыг бүх шатны байгууллага, хүмүүст хүргэн ажиллаж байсан ч энэ сарын 25-ны өдрийн 40 дүгээр тушаалаар малын сэг зэм устгах, халдваргүйжүүлэлт хийх жилийн төлөвлөгөө, хүн хүч бодисын төлөвлөгөөг гарган аймаг, Нийслэлд удирдамжийн хамт хүргүүлээд байна. Одоогоор сэг зэмийг устгахаар шатааж хөрсөнд булшлах, шууд булшлах гэсэн хоёр аргыг хэрэглэж байна.

Дэлхийн мал, амьтны эрүүл мэндийн байгууллагаас гаргасан дөрөв дүгээр бүлгийн 13-р заалтанд зааснаар,

1. Нөөц бүрдүүлэх, Хүн болон тээврийн хэрэгслийн, ажиллаж байгаа хүмүүсийн хувийн болон хөдөлмөр хамгааллын хэрэгсэлийг хангах
2. Санхүүгийн бэлэн байдлийг хамгах
3. Хүнд машин механизмын бэлэн байдлыг хангах
4. Хөдөлмөр аюулгүй айдлыг хангах, эрсдэлээс урьдчилан сэргийлэх
5. Устгалын ажил байгаль орчинд сөрөг нөлөөгүй байх гэх мэт зөвлөмжүүдийг өгдөг" гэв.

Б.ХОНГОРЗУЛ