Засгийн газар цалин, тэтгэвэр нэмэх, төсөвт тодотгол хийх талаар мэдээлэл өглөө. Энэ үеэр  Сангийн сайд Б.Жавхлан 

                 “Эдийн засгаа сэргээх шат дараатай арга хэмжээг авсан. Тэр дундаа экспортын гадаад худалдаа либералчлах, хилийн нэвтрэн өнгөрүүлэх чадварыг нэмэгдүүлэх, шинэ сэргэлтийн бодлогын хүрээнд боомтын сэргэлтүү, тээвэр хэрэгслийн зохион байгуулалтыг сайжруулах, мөн нүүрс дагасан их хэмжээний далд эдийн засгийг ил болгосон. Мөн Засгийн газраас авч хэрэгжүүлсэн  далд хулгай авлига хээл хахуультай тэмцсэний үр дүнд манай түүхийн эдүүдийн экспорт богино хугацаанд нэмэгдсэн. 2022 оны  төлбөрийн тэмцэл, төсвийн алдагдал, Монгол банкан дахь валютын нөөц зэрэг үзүүлэлт илт сайжирсан. Тиймээс Монгол Улс гадаад өрийнхөө эрсдэлээс хамаарсан дампуурлын эрсдэлээс бүрэн арилж чадсан. Энэ оны нэгдүгээр улиралд эдийн засгийн өсөлтүүд хэвээр хадгалагдаж гарсан.

               Тухайлбал, манай голлох түүхийн эд буюу нүүрс оны эхний таван сарын байдлаар нийт 24 сая тонн гарсан. Бүтэн жил 36 сая тонн нүүрс гаргана гэж төлөвлөсөн бол эхний таван сарын байдлаар 60 гаруй хувийн экспортыг ажилттай гаргасан байна.  Энэ удаагийн төсвийг тодотгох 34.1.4 заасны дагуу төсвийн ерөнхийлөн захирагч нарын хооронд төсвийн зохицуулалт  хийх боломж гарлаа гэсэн үг. Үүний хүрээнд нийт нэг их наяд 896 тэрбум төгрөгийн тодотгол хийх гэж байна. Үүний 50 хувь буюу 996 тэрбум төгрөг нь төрийн албан хаагчдын цалинг нэмэхэд зарцуулагдаж байна. Мөн ахмад настнуудын тэтгэврийг нэмэгдүүлэхэд 396 тэрбум төгрөг төсөвлөсөн. Хүүхдийн мөнгийг хүсэлт гаргасан хүүхэд бүрд олгох, өнгөрсөн зургаан сарын мөнгийг нөхөж олгоход нийт 167 тэрбум төгрөг зарцуулахаар шийдлээ. Мөн түгжрэлийг бууруулахад 420 тэрбум төгрөг зарцуулахаар төлөвлөсний 187 тэрбум төгрөгийг энэ жилийн улсын төсвөөс гаргана. Зорилтот халамжийн тэтгэмжид 89,3 тэрбум төгрөг зарцуулахаар шийдсэн. Энэ бол жилийн төсөв биш төсвийн тодотгол юм. тэтгэвэрт хэд хэдэн зөрүүний тухай ойлголт бий. Итгэлцүүрээр ойролцоо түвшинд очно. Бүх хүний тэтгэвэр ижил түвшинд очно гэж ойлгож болохгүй. Өөрлөлт хүн бүрд өөр өөрөөр нөлөөлнө. 1990 онд 500 төгрөг авч байсан буурал, одоо нэг сая төгрөгийн цалин авч байсан бол үүнийг 10 хувиар нэмэгдүүлж 1.1 сая төгрөг болно гэсэн үг. Энэ жилийн идэвхжүүлэлтийн үр дүнд эдийн засгийн өсөлт зургаан хувьд хүрэхээр байгаа. Ингэснээр дотоодын нийт бүтээгдэхүүн 60 их наяд болно. Төрийн албан хаагчийн цалингийн үндсэн хэмжээг сая орчим төгрөгт ойртуулна” гэв.