Тээврийн цагдаагийн албаны жижүүрийн шуурхай удирдлагын төвд 2021 оны долдугаар сарын 8-ны өдөр нийт 301 дуудлага мэдээлэл хүлээн авснаас зам тээврийн ослын шинжтэй 231 дуудлага мэдээлэл бүртгэгдсэн байна.

       Бүртгэгдсэн зам тээврийн ослын улмаас нийслэлд найман хүн гэмтэж, орон нутагт  дөрвөн хүн гэмтсэн. Хүүхэд гэмтсэн осол хоёр бүртгэгдсэн байна.Тухайлбал:

Нийслэлд

• 2021 оны долдугаар сарын 8-ны өдрийн 22:00 цагийн орчимд Сонгинохайрхан дүүрэг 61-ийн гарамны замд ачааны автомашин суудлын автомашинтай мөргөлдөж зорчигч хоёр хүн гэмтсэн.  
• 2021 оны долдугаар сарын 8-ны өдрийн 10:00 цагийн орчим Чингэлтэй дүүрэг Чингэлтэйн өргөн чөлөө суудлын автомашины жолооч унадаг дугуйтай зорчигч мөргөж 13 настай эрэгтэйг мөргөж гэмтээсэн..  
•  2021 оны долдугаар сарын 8-ны өдрийн 10:00 цагийн орчим Баянзүрх дүүрэг Налайхын замд суудлын гурван автомашин мөргөлдөж  зорчигч 30, долоон настай хоёр эмэгтэй гэмтсэн.
•  2021 оны долдугаар сарын 8-ны өдрийн  10:00 цагийн орчим Сүхбаатар дүүрэг Хандгайтын замд суудлын автомашины жолооч явган зорчигч найман настай эмэгтэйг мөргөж гэмтээсэн.  

Орон нутагт

• 2021 оны долдугаар сарын 8-ны өдрийн 16:00 цагийн орчим Баян-Өлгий аймаг Толбо сумын нутагт уаз маркийн автомашин онхолдож зорчигч гэмтсэн.
• 2021 оны долдугаар сарын 8-ны өдрийн 02:00 цагийн орчим Төв аймгийн Борнуур сумын нутагт суудлын автомашин ачааны автомашинтай мөргөлдөж хоёр жолооч гэмтсэн.  

       Гудамж замын хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодож хөдөлгөөнд оролцсон нийт 55 зөрчил илрүүлсний нийслэлд 37, орон нутагт 18 зөрчлийг илрүүлж учирч болох эрсдэлээс урьдчилан сэргийлж ажилласан байна.

        Чингис хаан олон улсын нисэх буудлын үйл ажиллагаа энэ оны долдугаар сарын 4-ний өдрөөс эхлэн  нээгдсэнтэй холбоотойгоор тууш замын хөдөлгөөн нээгдэж байна.

       Тууш замд жолооч хөдөлгөөний эрчим, тээврийн хэрэгсэл болон тээж яваа ачааны онцлогт, замын болон цаг агаарын нөхцөлийг харгалзан тээврийн хэрэгслийн хурдыг 100 км/цагаас хэтрүүлэхийг хориглоно.

       Тээврийн хэрэгслийн хурдыг хяналтын камераар хянаж байгаа тул жолооч та бүхэн тогтоосон хурдыг хэтрүүлэхгүй, тууш зам нь буцаж эргэх гарц байхгүй тул иргэд жолооч та бүхэн замаа зөв сонгон хөдөлгөөнд оролцоорой.

       Жолооч та бүхэн хөдөлгөөнд оролцохдоо тээврийн хэрэгслийн бүрэн бүтэн байдалд хяналт тавин, хөдөө орон нутгийн замд зорчихдоо техникийн үзлэг оношилгоонд бүрэн хамрагдаж тээврийн хэрэгслээ бэлдэсний дараа аян замд гарах, мотоциклтой хөдөлгөөнд оролцохдоо хамгаалах малгай хамгаалалтын хэрэгслийг тогтмол зүүж хэрэглэн хөдөлгөөнд оролцох, тээврийн хэрэгслийн хурдыг тогтоосон хязгаараас хэтрүүлэхгүйгээр хөдөлгөөнд оролцох, хүүхэд зорчиж байгаа замд анхаарал болгоомтой оролцож Ирээдүйгээ хамгаалъя  Тээврийн цагдаагийн албанаас анхааруулж байна.