Эрүүл мэндийн салбарын ажилтнууд цалингаа нэмүүлэхийг шаардаж, 10 дахь өдрөө Сүхбаатарын талбай дээр суулт хийж байна. Энэ үеэр Эрүүл мэндийн ажилтны үйлдвэрчний эвлэлийн холбооны дарга Х.Ариунаа мэдэгдэл хийлээ. Тэрбээр

“Өвчтөнөө эмчилж байсан 32-хон настай эмч өнөөдөр амин үзүүлэлт нь муудаж, сэхээн амьдруулах тасагт ухаангүй хэвтэж байна. Хэрэв тэр хүн өөд болбол яах вэ. Өнөөдөр эмч нар өвчтөнөө эмчилж байгаад өөрсдөө сэхээн амьдруулах тасагт орж байна. Өнөөдрийн байдлаар 3000 гаруй эмч, эмнэлгийн ажилтнууд коронавирусээр өвчилсөн.

       Бид туйлдаад халуун нар, хүйтэн бороонд сууж байна. Худлаа үлгэр зохиож, эрүүл мэндийн салбарт хэдэн тэрбум төгрөг өгч байна гэж худлаа мэдээлэх хэрэггүй. Бид 30 жил хууртаж, ирсэн одоо болсон.

       Эрүүл мэндийн сайд С.Энхболд салбарынхаа ажилтнуудын цалинг нэмээд өгөөч гэж нэг ч удаа хэлээгүй” гэж мэдэгдсэн юм.