Эрүүл мэндийн салбарын эмч, ажилтнууд цалингаа нэмүүлэх шаардлага тавьж, 10 дахь хоногтоо Сүхбаатарын талбай дээр суулт хийж байна. Тэгвэл өнөөдөр УИХ-ын гишүүдийн төлөөллөөс суулт зарлаж байгаа эмч, эмнэлгийн байгууллагын ажилтнуудтай уулзлаа. Энэ үеэр УИХ-ын гишүүн Б.Жаргалмаа

“Бид өнөөдөр эрүүл мэндийн салбарт ажиллаж байгаа алба хаагчдынхаа цалин, урамшууллыг нэмэх ямар боломж дээр ажиллах болно. Эрүүл мэндийн ажилтуудынхаа энэхүү шаардлагыг хүлээн авч, хүндэтгэж байгаа шүү гэдгийг хэлье. Та хэдийг бороонд нороод сууж байхад бидний сэтгэл өвдсөн. Гэхдээ та нартайгаа гарч, ирж уулзахыг УИХ шийдэх болохоос цор ганц Б.Жаргалмаа гэдэг хүний шийдэх юм биш шүү. Бид та бүхний шаардлагыг хүлээн авч байгаа. Гэхдээ тэмцэл гэдэг орилох биш шүү, үгээ хэлэх” гэв.