Монгол Улсын Засгийн газар, УОК-ын ресторан, хоолны газруудыг заалаар үйлчлэхийг хориглох шийдвэрээ 10 хоногийн хугацаатай сунгасан шийдвэрийг эсэргүүцэж, хоол үйлдвэрлэгчид “Тэвчээр тасарлаа” хөдөлгөөнийг эхлүүлээд байна.

Уг хөдөлгөөнийг эхлүүлсэн “Такесан мисо рамен” рестораны захирал Л.Бямбасүрэн "Сүхбаатар дүүргийн цагдаагийн хэлтээс манайд ирж, битүүмжлэнэ, хаана гээд бараа, бүтээгдэхүүнүүдийг маань лацадсан. Тэгээд мэдүүлэг авна гээд манай менежерийг баривчилсан" гэж мэдэгдэв.

Мөн тус ресторанд МХЕГ-аас холбогдох ажилтнууд ирж, “Танай байгууллагад торгууль ногдуулна” гэжээ.

“Такесан мисо рамен” ресторан нь одоогийн байдлаар үйл ажиллагаагаа хэвийн үргэлжлүүлж байгаа юм байна.