Булган аймгийн Булган сумын Агуйт багт 10 настай охин сураггүй болсон хэрэг гарчээ.

Тодруулбал, 10 настай, эмэгтэй А өчигдөр буюу зургадугаар сарын 23-ны өдрийн 18:00 цаг орчимд “Гадаа тоглоно” гэж гэрээсээ гараад сураггүй болсон байна.

Охиныг сураггүй болсон тухай дуудлагыг зургадугаар сарын 24-ний 01:59 цагт ОБЕГ хүлээн авсан.

Дуудлагын дагуу Булган аймгийн Онцгой байдлын газрын Эрэн хайх аврах, салбар, Цагдаагийн газрын алба хаагчид, сураггүй болсон охины ар гэрийнхэн эрэн хайх ажиллагааг зургадугаар сарын 24-ний өдрийн 02:00 цагаас зохион байгуулж эхэлжээ.