Орхон гол бохирдсон шалтгаан нөхцлийг тодруулахаар өчигдөр буюу зургадугаар сарын 21-ний өдөр аймгийн БОАЖГ, МХГ, Бат-Өлзий сумын ажлын хэсэг тус аймгийн Цэнхэр сумын Орхон багийн нутаг Шийртийн голын хөндийн ашигт малтмалын олборлолт хийгдсэн талбайд очиж ажиллажээ.

Шийртийн голын хөндийд ашигт малтмалын үйл ажиллагаа явуулж байсан аж ахуй нэгжүүдийн тусгай зөвшөөрөл, лицензийг 2019 онд цуцалсан. Тус уурхайн хиймэл нууруудыг сэтэлж, талбайд нөхөн сэргээлт хийгээгүй юм.

Харин энэ сарын 10-11-ний өдрүүдэд тус хөндийд их хэмжээний бороо орж, уурхайн нуур үерлэж, Орхон голтой нийлж урссан байна.

Шийртийн хөндийн Харгуйт, Шийрт, Яст зэрэг газруудыг нөхөн сэргээлгүй үлдээсэн нь цаашид Орхон гол бохирдох эрсдэл хүргээд байгаа гэнэ.