УЕПГ: Б.Содномдаржаа, Т.Чимгээ нарт холбогдох хэргийг дахин хянасны дараа суллах эсэх асуудлыг шийднэ

А. Азсайхан:
Ярилцлага- Тодруулга

2021-04-20, 756

Төр нийгмийн зүтгэлтэн С.Зориг агсны амийг хөнөөсөн хэрэгт буруутгагдан хорих ял эдэлж байгаа Б.Содномдаржаа, Т.Чимгээ нарт ял оноосон шүүхийн шийдвэрийг шинээр илэрсэн нөхцөл байдалтай холбоотойгоор УЕПГ-аас хүчингүй болгосон тухай мэдээлэл цахим сүлжээгээр тараад байна. Бид үүнтэй холбоотойгоор УЕПГ-тай холбогдож тодруулахад

“Эрүүгийн хэрэг хянан шийдвэрлэх тухай хуулийн 41.1 дүгээр зүйлийн 1.2 дахь хэсэгт заасан шинээр илэрсэн нөхцөл байдлын улмаас шүүхийн шийдвэрийг хянуулахаар Улсын Ерөнхий прокурор дүгнэлт бичиж хяналтын шатны шүүхэд хүргүүлсэн. Шинээр илэрсэн нөхцөл байдлын улмаас хэргийг хянуулах тухай дүгнэлтийг хүлээн авсан шүүх хянан хэлэлцээд Эрүүгийн хэрэг хянан шийдвэрлэх тухай хуулийн 41.4 дүгээр зүйлийн хоёр, гурав, дөрөв дэх хэсэгт заасан шийдвэрүүдийн аль нэгийг гаргаж шийдвэрлэнэ. Үүний дараагаар Б.Содномдаржаа, Т.Чимгээ нарыг суллах эсэх асуудал нь шийдвэрлэгдэнэ” гэлээ.

УЕПГ: Б.Содномдаржаа, Т.Чимгээ нарт холбогдох хэргийг дахин хянасны дараа суллах эсэх асуудлыг шийднэ