Булган аймгийн Сэлэнгэ сумын Сэлэнгэбүрэн багийн Хустайн даваа гэх газарт ойн түймэр гарч хоёр орчим га талбай шатжээ. Бид энэ талаар тус сумын Засаг дарга Б.Ууганбаяраас тодрууллаа. Тэрбээр

“Сэлэнгэ сумын гурав, дөрөвдүгээр багийн заагт Хустайн даваа гэх газарт өчигдрийн 18:00 цаг орчимд ойн түймэр гарч, хоёр га орчим газар шатсан. Ойн түймэр гарсан газарт Онцгой байдлын 12 алба хаагч, гурав, дөрөвдүгээр багийн малчид ажиллаж, түймрийг өнөө өглөөний 07:00 цагийн орчимд бүрэн унтраасан. Гал түймэр гарах болсон шалтганыг сумын Онцгой байдлын газраас шалгаж байгаа. Манай суманд коронавирусийн халдвар гарч, хөл хорио тогтоосон үед түймэр гарсан. Хүн, мал, амьтан түймэрт өртөөгүй ч их хэмжээний газар шатсан ” гэлээ.