“Асарч чадахгүй болсон тул аавыгаа зарна” гэсэн зар “Шуурхай зар” сонины гуравдугаар сарын 1-ний дугаарт нийтлэгдсэн. Энэ нь хүний эрх зөрчсөн, хүн худалдаалах гэмт хэрэгтэй байж болзошгүй хэмээн олон нийт шүүмжилж буй.

       Тэгвэл уг зарыг тавьсан этгээдийг цагдаагийн байгууллагаас шалгаж эхэлсэн байна.

Энэ талаар ЦЕГ-ын Хэвлэл мэдээллийн төвийн дарга, дэд хурандаа Б.Баатархүүгээс тодруулахад

“Зартай холбоотой хэргийг цагдаагийн байгууллагаас шалгаж байна. “Аавыгаа зарна” гэсэн нь киноны зар байж магадгүй. Хэдий зар сурталчилгаа байсан ч тухайн зарын агуулга нь Зар сурталчилгааны тухай хууль зөрчих болно. Хуулийн ямар заалт зөрчсөн эсэхийг шалгаж байгаа байцаагч тогтооно”

хэмээсэн юм.