Үндэсний бичиг үсгийн баярын хүрээнд Монгол үндэсний яруу найргийн үе үеийн шидээвэр бүтээл, эх хэлээр хөрвүүлсэн дэлхийн сонгодог бүтээлүүд, орчин цагийн шүлэг зохиолыг олон нийтэд хүргэх, үндэсний утга зохиол, эх хэл, соёлоороо бахархах үзлийг дэлгэрүүлэх зорилгоор Үндэсний номын сан, "UB.life" мэдээллийн сайт, "Өв өлгий" төслөөс яруу найргийн цахим уншлага зохион байгуулахаар болжээ.

Уншлагад зохиолч, яруу найрагчдаас гадна үгийн урлаг, утга зохиолд хайртай хэн бүхэн оролцож өөрийн болон дуртай шүлгээ унших боломжтой.
Хөтөлбөр:
14:00-14:10 Нээлт
14:10-14:30 Монголын болон дэлхийн яруу найргаас нэвтрүүлэгч, зохиолчид унших
14:30-16:00 Зохиолч, яруу найрагч, cонирхогчдын яруу найргийн чөлөөт уншлага
Яруу найргийн уншлагад 2021.05.01-05.05 хооронд урьчилан бүртгүүлж оролцоно.

Мөн “Хавраас ирсэн дуудлага” цахим уншлагад Д.Нацагдоржийн нэрэмжит шагналт, “Болор цом”-ын эзэн, яруу найрагч Б.Ичинхорлоо, Оны шилдэг бүтээл шалгаруулах “Алтан өд” наадмын тэргүүн шагналт, утга зохиол судлаач, шүүмжлэгч, зохиолч, яруу найрагч П.Батхуяг, зохиолч, яруу найрагч П.Майнбаяр, Төрийн соёрхолт яруу найрагч Ц.Бавуудорж нар урилгаар оролцохоор болжээ.