УДЭТ-ын жүжигчин, МУГЖ Сугарын Болд-Эрдэнийн төрсөн өдөр өнөөдөр тохиож байна. Түүнд Эргэлт.мн мэдээллийн сайтын хамт олон, нийт уншигчдынхаа өмнөөс халуун баяр хүргэе. Тэрбээр, Улсын драмын эрдмийн театрын болон бусад 70 гаруй уран бүтээлүүдэд гол, туслах гэсэн дүрүүдэд тогложээ. Мөн 30 орчим кино уран бүтээлд тоглосон гэдэг. С.Болд-Эрдэнэ жүжигчин өнгөрсөн онд Монгол улсын гавьяат жүжигчин цол тэмдгээр энгэрээ мялааж үзэгчдээ баярлуулсан билээ. Нийт үзэгчдийнх нь өмнөөс төрсөн өдрийн мэнд дэвшүүлж, уран бүтээлийн олз, омог, өндөр амжилт хүсье.

Тэрбээр хэвлэлд өгсөн нэгэн ярилцлагадаа "Жүжигчин хүн аливаа уран бүтээлд муу тоглоё гэж бодохгүй. Аль болох сайн тоглох юмсан, дүрээ зөв, сонирхолтой өнцгөөс гаргах юмсан гэж  хичээдэг. Харин дүр таарсан таараагүй, өөрөө ажилласан ажиллаагүй яриа байж болно. Мэдээж жүжигчин хүн дүр бүртээ л хайртай. Яах вэ, арай илүү гэж онцолбол би Гамлетын дүрээ хэлнэ. Дэлхийн сонгодог жүжгийн ноён оргил гэгддэг гурван жүжгийн нэг “Гамлет” жүжгийн Гамлетын дүрд тоглоно гэдэг бол чухал хувь заяа" гэсэн байдаг.