Польш Улсын Кельце хотод эрэгтэйчүүдийн 21 дэх, эмэгтэйчүүдийн тав дахь удаагийн сонирхогчдын боксын залуучуудын ДАШТ зохион байгуулагдаж байна.

Тус тэмцээнд нийт 66 орны 487 тамирчин оролцох урьдчилсан мэдүүлгээ өгөөд байсан бөгөөд манай орны эрэгтэй, эмэгтэй төрлийн найман тамирчин найман жинд оролцож байгаа.

-Эмэгтэйчүүдийн 51 кг жинд залуучуудын боксын Үндэсний шигшээ багийн тамирчин А.Хулан Казахстан Улсын тамирчин Турабаев Гулнуарийг 5:0 харьцаатайгаар ялж, хүрэл медалийн болзол хангасан.

-Эрэгтэйчүүдийн 52 кг жинд залуучуудын боксын Үндэсний шигшээ багийн тамирчин Э.Сүхбат Испани Улсын тамирчин Пантожа Морено Хуанийг 5:0  харьцаатайгаар ялж, тус тус хүрэл медалийн болзол хангаад байна.