БНАСАУ-ын Олимпын хороо өнгөрсөн гуравдугаар сарын 25-нд тус улсын нийслэл Пёньян хотод хуралдаж, “Токио-2020” олимпын наадмыг алгасах шийдвэр гаргажээ.

Уг шийдвэрийг “Шигшээ баг болон улс орныхоо аюулгүй байдлын улмаас гаргасан” талаар тус улсын хэвлэлийн байгууллагууд мэдээлсэн байна.

Албаныхны мэдээлж буйгаар БНАСАУ-д коронавирусийн халдварын тохиолдол бүртгэгдээгүй гэнэ.

Улмаар Хойд Солонгос 1984 оны Лос-Анжелесийн, 1988 оны Сөүлийн олимпын наадмыг бойкотлосноос хойш анх удаа олимпын наадмыг өнжихөөр боллоо.

Мөн БНСУ болон БНАСАУ-ын хоёр удирдагчид 2032 оны олимпын наадмыг хамтран зохион байгуулахаар 2018 онд тохиролсон боловч уг хэлэлцээр гацаанд орсоор 2019 онд зогссон юм.

Эх сурвалж: CNN