Бүх Японы ахлах сургуулиудын дундах чөлөөт бөхийн 64 дэх удаагийн аварга шалгаруулах “Казама Кап” тэмцээн Япон Улсын Нигата мужид гуравдугаар сарын 24-26-нд өдрүүдэд зохион байгуулагджээ.

Тус тэмцээний 125 кг жинд "Кашива Ниттай” ахлах сургуулийн нэгдүгээр ангийн сурагч, 17 настай Б.Намбардагва зургаа давж, алтан медаль хүртжээ.

Б.Намбардагвын аав нь Говь-Алтай аймгийн Бугат сумын харьяат улсын начин Д.Батбаяр гэх хүн байдаг аж. Харин өнгөрсөн жил "Ичиши" залуучуудын клубын багш Р.Баяраа Б.Намбардагвыг “Кашива Ниттай” ахлах сургууль руу шилжүүлж, бөхийн удмыг нь залгуулсан гэнэ.