Дэлхийн хамгийн том спортын наадам гэгддэг олимпын наадмыг өнгөрсөн жил Япон Улсын Токио зохион байгуулах байсан ч цаг үеийн нөхцөл байдалтай холбоотойгоор хойшилсон билээ. Улмаар “Токио-2020” олимпын наадмыг ирэх долдугаар сарын 23-наас наймдугаар сарын 8-наас хооронд зохион байгуулахаар болсон.

Олимпын наадам эхлэхээс өмнө уламжлал болгон тус наадмын бэлгэ тэмдэг болсон галт бамбарын буухиаг зохион байгуулдаг. Харин энэ удаагийн галт бамбарын буухиаг халдвар хамгааллын дэглэмээ баримталж, үзэгчгүйгээр зохион байгуулах болсноороо онцлогтой.

Япон Улсын Токио хотод зохион байгуулах олимпын наадмын галт бамбарын буухиад тус улсын Үндэсний хөл бөмбөгийн эмэгтэйчүүдийн шигшээ багийн гишүүд оролцож байна. Уг буухиа нь Фүкүшима хотоос нийслэл Токио хот хүртэл нийт 121 хоногийн турш үргэлжлэх юм.

Эх сурвалж: CNN