“Лос-Анжелес Лейкерс” багийн супер од Леброн Жеймс 35 мянга дахь оноогоо авч, Америкийн үндэсний сагсан бөмбөгийн холбооны түүхэнд 35 мянган оноонд хүрсэн гурав дахь тамирчин боллоо. Түүнээс өмнө “Лос-Анжелес Лейкерс” багийн тоглогч асан Карим Абдул-Жаббар, “Юта Жазз” багийн тоглогч асан Карл Мэлоун нар уг амжилтад хүрсэн юм.

Леброн Жеймс улирлын ээлжит тоглолтдоо “Бруклин Нетс” багтай таарч, тоглолтын 15 дахь оноог авснаар 35 мянган оноонд хүрчээ. “Лос-Анжелес Лейкерс” багийн Энтони Дэвис, “Бруклин Нетс” багийн Кевин Дюрант нар хөнгөн гэмтлийн улмаас өнөөдрийн тоглолтыг өнжиж байна.