Олон улсын жүдогийн холбооноос Катар Улсын Доха хотод зохион байгуулж буй “Мастерс-2021” тэмцээний сүүлийн өдөрт манай орны хоёр тамирчин оролцлоо.

       Тус тэмцээний эрэгтэйчүүдийн төрлийн -90 кг жинд Азийн наадмын мөнгөн медальт, ОУХМ Г.Алтанбагана гуравдугаар тойрогт Голланд Улсын тамирчин, Дэлхийн аварга Н.Эндэд ялагдсан. Дагах барилдаандаа Гүрж Улсын тамирчин, “Мастерс” тэмцээний алтан медальт, Дэлхийн аварга Л.Бекауритай барилдаж, ялагдал хүлээснээр тэмцээнээ өндөрлүүллээ.