Америкийн үндэсний сагсан бөмбөгийн холбооны “Шилдэг хамгаалан тоглогч”-ийн шагналт төвийн тоглогч Руди Гобер “Юта Жазз” багтайгаа таван жилийн 205 сая ам.долларын өндөр дүнтэй гэрээ үзэглэлээ. Хурдтай, шидэлттэй тоглогчид “гялалзах” болсон өнөө цагт хурд, шидэлт муутай тоглогчид сагсан бөмбөгийн бүх цаг үеийн хамгийн өндөр үнийн дүнтэй гэрээнүүдийн гуравт жагсах том гэрээ хийсэн нь спорт сонирхогчдын “хар”-ыг төрүүлээд байна.

       Өнгөрсөн гуравдугаар сард Руди Гоберын коронавирусийн шинжилгээний хариу эерэг гарсан. Тухайн үйл явдал нь АҮСБХ-ны баг, тамирчдаас анхны коронавирусийн батлагдсан тохиолдол болсон. Франц Улс “Ковид-19”-ийн томоохон голомт болж байх тухайн үед францын тамирчин Руди Гоберийн багийн хамтрагч Донован Митчелл коронавирусийн халдвартай болов. Улмаар “Юта Жазз” багийн удирдлагууд болон тоглогчид Гоберээс зайгаа барих, цахим сүлжээгээр маргалдах, үл тоомсорлох зэрэг үйлдэл гаргаж байлаа. Мөн лигийн шилдэг төвийн тоглогчдын нэг Гоберийг өөр баг руу солилцоогоор явуулж, “Юта Жазз” багаасаа хасах ярья гарсан билээ. Зөвхөн багийн бус лигийн бусад бүх багийн хөгжөөн дэмжигчдийн шүүмжлэлийн “бай” нь болсон. Түүнээс хойш хэдэн сарын хугацааны дараа Руди Гобер эдгэрсэн нь лигийн хүрээнд тархаад байсан “хов” нэг хэсэгтээ л намдах болсон юм.

       Хэвлэл мэдээллийн байгууллагуудаар лигийн шилдэг төвийн тоглогч Руди Гоберийг багаа солино хэмээн таамаглаж байв. Чөлөөт агентын зах зээл нээгдэж, “Юта Жазз” баг шилдэг тоглогчоо “алдах” эрсдэлд хүрсэн билээ. Коронавирусийн аюул олон нийтийг хамарч байх үеэр тус багийн удирдлагууд Руди Гоберт хийсэн үйлдэлдээ “ичсэндээ” таван жилийн 205 сая ам.долларын гэрээ санал болгож, “гэмт” үйлдлээсээ бултаж байгаа юм болов уу гэсэн “хар”-ыг спорт сонирхогчдод төрүүлээд байна.